الأحد، 23 أكتوبر 2011

شعبنا العزيز المهاود...

التدوينة الأخيرة قبل المعتقل
قلنا ثورة وأبتدا المشوار أتكلمنا كتير صوتنا أتنبح الأحزاب تخرج السلفيون فين يا أخونا عبير أخبارها إيه مليونية استرجاع الثورة استرجاع إيه القرف ده كفاية خربوا البلد,
 البلد مليئة بالسلاح ده سلاح صوت يعني إيه شوية ومش هتسمع حاجه
والنشطاء إيه نظمهم دخلهم جوه والمنشطات ملية البلد سبة عايزين الناس مبسوطة وإيش عرفك البلد متغيرتش الزمالك خسر الكأس الإضرابات سيبه إحنا بلد ديمقراطي بس الناس تعبانه ما الأطباء مضربين أخطف أحمد عاطف خطفناه حد خد بالوا ولا حد سئل يبقا الناس كده كويسه نخطف الشعب لأ هو هيكون كويس شعبنا الحبيب المهاود أخبار التلفزيون زي ما هو يا باشا بيسلم عليك لأ كثر السلام يقل المعرفة بيتكلموا عن الثورة أه كل يوم خليهم يتكلموا أكثر ده ثورة مصر المجيدة مجيدة مين ملكش دعوه أنت في واحد تعبنا قوي مين ؟ يسري فوده أه ده مش متواطئ أه طبعا خلاص ياخد أجازه حلقت منى الشاذلي كانت حلوه والله مذيعة مبدعه أه جدا الأنتخبات أتحددت أه والناس شغالة طب الحمد لله مصر وطن ديمقراطي  وأخبار الفلول والله شغالين كل واحد في مكانوا طب كويس والمعارضة شغالة أهم حاجه المعارضة
والعجلة الأقتصادية بتلف أه بتلف والناس كله بتلف معه والبورصة رجعت تاني والناس مبسوطه  
الحمد لله الحمد لله ...ربنا يخلينا للناس ويخليهم لينا

هناك 8 تعليقات:

  1. و انا ك"ريم" انبسطت...مقال جميل...

    ردحذف
  2. نايس يا معلم .. و تزكر .. مافيش فايده

    ردحذف
  3. ربنا ميجعلها اخر تدوينه ابدا

    ردحذف
  4. ميين قال آخر تدوينة ...لسة الثورة مخلصتش :))
    keep it up guy

    ردحذف
  5. {إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ}

    ردحذف
  6. امبارح عمو قاللي لو فيه عشر بني ادمين في مكان ومعاهم الف بقرة يبقي المكان ده اسمه ايه؟؟
    قلتله اسمو زريبة طبعااااا !!
    قالي اهو احنا في زريبة ومينفعش يسوق الزريبة اللي فيها الف بقرة غير ثور
    والله عنده حق
    طول ما في بلدنا كمية الجهل والسلبية والجبن ده عمر ما هنشوف حاجة تحسسنا بان البلد دي فيها امل بجد
    الامل في العلم واللي حارمين الشعب كله منه ومش بس كدة دول حارمينه من حتي مجرد المعرفة
    وزي ما كان سليمان خاطر اخر جندي أمن مركزي متعلم
    زي ما الشعب هما حطينله خطة لادمان المخدرات والبرشام علشان يفضل مغيب مش فاهم ولا عايز يفهم
    =(

    ردحذف
  7. امبارح عمو قاللي لو فيه عشر بني ادمين في مكان ومعاهم الف بقرة يبقي المكان ده اسمه ايه؟؟
    قلتله اسمو زريبة طبعااااا !!
    قالي اهو احنا في زريبة ومينفعش يسوق الزريبة اللي فيها الف بقرة غير ثور
    والله عنده حق
    طول ما في بلدنا كمية الجهل والسلبية والجبن ده عمر ما هنشوف حاجة تحسسنا بان البلد دي فيها امل بجد
    الامل في العلم واللي حارمين الشعب كله منه ومش بس كدة دول حارمينه من حتي مجرد المعرفة
    وزي ما كان سليمان خاطر اخر جندي أمن مركزي متعلم
    زي ما الشعب هما حطينله خطة لادمان المخدرات والبرشام علشان يفضل مغيب مش فاهم ولا عايز يفهم
    =(

    ردحذف
  8. اتفق مع التعليق السابق ان المشكلة فى العلم و المعرفة و ثقافة البحث ,,لان فى ناس بتسمع من غير ما تحلل الموقف او تدور على الصح و بما ان معظم الشعب كدة فا بالتالى الاعلام مستغل نقطة زى دى
    فعلا ناس كتير فاهمة الموضوع غلط خالص و فاكرين الثوار بيستهبلوا مع ان دى اقل حاجة المفروض تتعمل

    و بالتالى بيقل تعاطفهم مع الثوار
    بس لازم حملات لتوعية الناس دى فا اقل حاجة ان الواحد كل ما يقابل ناس من العينات دى يحاول يفهمهم لأن احنا اكيد مش حنسكت لمجرد اننا اقلية و فى نفس الوقت صوتنا مش واصل فا لازم نوصله تدريجيا ..و من الحملات اللى عجبتنى "تويت شارع" انها توسعت من اطار التويتر و شريحته للشارع المصرى !!

    ردحذف