الثلاثاء، 11 أكتوبر، 2011

المواطن مينا محمد نبيل غطاس...

لا أفهم لماذا أنا مطر في وطني أن أجد في بطاقتي الشخصية خانة مكتوب فيه الديانة كذا (مسلم – مسيحي ) أنا أرى أن هذه الخانة جزئ كبير من المشكلة فلا أفهم سبب وجود هذه الخانة في البطاقة هل هي تذكرة مثلا لنفسي أنني مسلم أو مسيحي (صحيح الإنسان ينسى كثير بس مش ينسى دينه يعني  ),طب عشان مين طيب الخانة ده موجودة في بطاقتي تفرق مثلا أنا شايف مش فرقة إلا في حجه واحد بتقسيمنا, لسبب واحد إن الصورة إلي في البطاقة عمرها ما توضح أنا مسلم ولا مسيحي الخانة ده  تخليني في بلدي فئة جزء عمرها ما تخليني فرد في مجتمع سوي ديما طول ما في خانة في بطاقتي بتقول أنا ديني إيه الدين لله والوطن للجميع يا أخونا ولو على رأي المثل إلي سترة ربنا ميفضحوش عبده أنا مش عايز حد يعرف أنا ديني إيه ..أنا مصري يا أخونا عايز في خانة الوطن مصري وبس طلب افتكر في بلد عايز يكون أحسن طلب واقعي  ولا إيه..!!؟؟ ,في قانون جديد طلع أسمة قانون التميز هو أنا كده ممكن أرفع قضية على الحكومة ممكن صح أنا عايز خانة الديانة تلغى من البطاقة ,أنا مؤمن إن كل حاجه بدايته حاجة صغيرة الفتنه بديته ممكن تكون خانة في بطاقة ..
بطاقة مصرية مكتوب علية مليتي
وأنا طالع في بلدي ديني
مكتوب عليها مسلم مسيحي
مع أني مش باين عليا غير مصري
أنا أسمي المواطن مينا محمد نبيل غطاس
عنواني بلدي أول كنيسة شمال في يمين
هتلاقي بيت تحتية جامع
أنا بيتي بقا  بلدي
يلعن أبوه ده بطاقة مقسمنا
ومخلينا فرق
وإحنا إلي بنا اكتر من خانة
مكتوب عليه مليتي
 وانا طالع في بلدي ديني
تقدر تفرقني  
وأنا ملامحي مصرية
والبشرة خمرية
ومكفرنا سوا في بلدناا حوكمنا  ..
-ملاحظة واحد صاحبي حطيت صورته المره إلي فاتت وكان مصاب في الأحداث هو المصور علي محمد وأنا معرفتش أنوا محمد غير بعد ما أصدقاء أكدوا لي إنوا هو ..حد فهمني ..؟؟


ليست هناك تعليقات:

إرسال تعليق