الثلاثاء، 24 يناير 2012

المشهد الأخير ..(قصيدة للشهداء )


مين/

مين الي قتل ابني وقت الضحى /

والشمس رايحه للمغيب/

مين جالوا قلب /

يقتل صوت بكرة لحظت أصيل/

مين جالوا قلب يدي الأوامر /

يضغط زناد الشر/

يقتل أمل /

يقتل مجرد فكرة/

في عقل شهيد/

يا سيادة الرئيس /

عايز أسئل سؤال/

لو ممكن؟/

مين قتل أبني/

مين قتل أبني من فوق كوبري قصر النيل /

وعنده بكره جميل /

المحكمة منعقدة من بدري/

والطبل والزممير /

بيقولوا بكرة الحكم /

والحكم موجود في كل ضمير /

الحجر شاهد /

والصلاة كانت قايمه /

والكل عارف مين قتل ومين مقتول /

ليه ترغمونا بقا على الرغي والتسويف /

الورق موجود/

والحبال مش متوصلة/

مين وصل للنيابة /

ورق مغلوط/

ليه فيديوهات المتحف اتغيرت/

يااااا /

لو يعيدوا المشهد من تاني /

وقلاقي أبني قدامي/

مش عايز فلوس يا سيادة الرئيس/

دم أبني لسه بيجري قدامي/

مش عايز فلوس عايز قصاص/

يرجع ابني للحياة تاني .../

قصيدة مستوحاة من كلمت عضو مجلس الشعب أكرم الشاعر ..

الفاتحة للشهداء..

طيارة ورق (الثورة مستمرة)


أنزل /

أنزل لأي سبب/

أنزل لكسر الخوف /

أنزل للأمل /

أنزل لكسر الملل /

أنزل عشان يغور القرف /

يغور المارد الجلاد/

أنزل أخوك مات يوم هناك/

أنزل زيارة ميتين /

أنزل زيارة أضرحة/

أنزل بدعوة الاحتفال/

أنزل ورفع العلم/

أنزل يمكن يكون الخير على قدوم الي جاي/

نفس الخير الي جه على دماء الي راح/

جابه الخوف والخنوع /

جابه الدنيا بأمل/

أرسم علم على وشوش الصغار/

خود بأيد واحد كبير/

أنزل بدعوى الانتصار /

انزل عشان مش تموت يوم ذليل /

أنزل يمكن تكون محتاج لضحكة تلقها /

خدولك صورة بروزه للأيام /

أكتب حلمك في ورقه بالأقلام  /

وأعمله طيارة ورق أرميه في الميدان /

يمكن يلاقي غيرك حلمك يكمله/

او يصبر حلمك غيرك/

ان في حد غيره بيحلمه/

أنزل كماله عدد/

ما الزحمة علطول بتضمنا/

أعمل طبور ولو مره للثوره /

طابور همه الوحيد بكره/

أنزل ياعم يمكن تكون الثوره خير .../

الأحد، 22 يناير 2012

السيد الرئيس ..هرمنا والله هرمنا ...



في واحد عندنا في الحته اسمه اللواء بيجيب الكرسي بتاعة وبيقعد قدام البيت والي رايح والي جاي بيقولوا إزيك يا سيادة اللواء ولما سئلت هو كان لوا إيه قالوا لي ده كان صول في الجيش بس طلعوه بدري ولما سئلت أمال ليه بيقولوا ليه يا سيادة اللواء قالوا لي أصلوا تنحى مش قدم استقالته ..ووممكن يرجع الخدمة أصل الجيش بالأقدمية

ولما شفت عادل إمام في الأفوكاتو افتكرت فريد الديب وروح القانون او روح أمه ..مه لما يكون المحامي بلا نخوه ولا شعور ويكون مهمته بس يطلع المتهم برائه ..يعني فريد سبانخ ..

وبعد سنه من الثورة لما يطلع فريد الديب يقول في عيد الثورة الأول أن مبارك مازال هو رئيس مصر بس واخد أجازة يبقا بيهزر

الطرف الثالث

من سنه ونحن نعاني من الطرف الثالث وبصراحة الطرف الثالث ده عمل معانا كلنا الصح بشكل فوق الطبيعي بس لما تحصل مواجهات لمدة أسبوعين في الضبعة ويتم تدمير سور يمتد ل15 كيلوا متر وحد يجي يكلمني عن هيبة دولة ققولوا معلش يعني يا هبة يعني إيه ميتجبش سيرة الضبعة غير كهوامش في الأخبار بلا أي كلام ..حد فاكر مين كان عايز أرض الضبعه زمان مش صاحب جمال مبارك الهربان دلوقتي ...ولا إيه

وبعدين ما حدث في أرض الضبعه لمدة أسبوعين مش طرف أطراف

سنه مرت على هذه الثورة وان تذكرنا وشاهدنا لعلمنا أننا بنلف حولين بعض حوريني يا كيكا ..وإذا كان المجلس العسكري يريد السلطة فجالوا الي مبيرحمش بيقلوا أنا سلفتك السلطة وعايزه تاني كأن مصر تكية أبوهم كلهم وكأنها عمدية تورث من جيل لجيل...

ولكن لو شاهدنا ما ورد في جريدة الوفد من تجهيز للمشير ككبش فداء نعلم سعتها أن النظام أقوى بكثير من الأشخاص التي تحكمنا النظام فيه من يمولون ويصرفون الملايين والمليارات كي لا ينهار على رؤوسهم ...ولكن أيضا دعونا نفكر في ان هذا النظام لو أنهار سنكون نحن أضعف حلقاته التي ستنهار للعدم ...يمكن أن نقول اننا سننقرض

التفكير في كل ما يحدث من حولنا يؤدي إلا العديد من الأماكن التي لا تصلح لشعب شقي كثير ودفع أكثر عشان يعيش ..شعب نزل ثورة قال فيها يسقط النظام ..مش نزل يقول إيه النظام ...