حط الحرية في جملة مفيدة؟؟.!!

في أحد النقاشات مع واحد قريبي بدا بجملة أنت راضي عن إلي بتعملوه ده بسيط حولية

قلتلوا :أحنا مين

قالي: العيال بتوع التحرير

 قلت ليه : ربنا يخليك بنعمل إيه بقا

قالي :كل شويه عملين مؤية ومليونية ومش عاجبكوا حاجه

قلتوا: محصلش بس هوا أصلا محلصلش حاجه عشان تعجبنه

قال لي: إذاي شفت بقا أنتوا إذاي بتنسوا هوا أنت مش دخلتوا حسني مبارك السجن وخلاص

 قلت ليه: أحنا مدخلناش حد هو أعمالة إلي دخلته مش أحنا

قال لي : وبعدين أخرته أنت بتعملوا ده كلوا ليه؟

قلت ليه :عشان نحس بالحريه عشان نكون دولة كبيره عشان نكون أحسن من إلي أحنا فيه....إالخ

وكأن كلمة حرية مسكت في ودانه بعيدا عن كل الكلام إلي قلته

قالي حرية وأحنا من إمته مش أحرار

قلت ليه إذاي أحرار ومن إمتى

قالي من زمان ....صدمني بصراحة

قلت ليه أنت حر إذاي ؟

قال لي بعمل كل إلي أنا عايزه برحتي  محدش بيحدد انا عايز أعمل إيه باكل برحتي أنام برحتي أخرج اشتغل كل حجه شفت يبا انا حر ...

توارد إلى زهني ساعته شئ واحد الحرية لا تكيل بالبتنجان

والبتنجان بتبيعط الحال أسود والسواد ده فجأ هجم عليا لما سمعت الكلام وعشان كل حاجة غليت فطبيعي البنتجان غلي والحرية من ساعت ما بقت بتكيل بالنتجان إذا الحرية غليت ...

لما شب يكون من عمري ومن الوسط الي انا فيه ويكون تعريفه للحرية أنها الجزء الأصغر والهامشي في الحياه الحرية الشخصية إلي هيا تخصه وهو فاكر أن بكده خلاص هو حر والبلد تولع والتحرير بتوع مشاكل ..اقلوا إيه ..

حاولت أفهمه الحرية معناها إيه لقيته مش فارقه معاه ولا حس بيه لما كل إلي في التحرير حس بيه سعته بس قلت إذاي؟؟!! قريبي ده مش فاهم وهو على درجة كبيره من التعليم معنى الحرية فإذاي رجل الشارع البسيط حيفهم ...ربنا يستر علينا

ده عصابة بقا !!!جمال والتكية

خرج علينا الله يمسيه بالخير يسري فوده في ont vالكام يوم الي فاتوا دول بموضوع سرقة مصر نهب مصر سميه زي ما تسميه ولكن للحقيقه هي مهزلة بكل ما للكلمة من معنى مهزله أخلاقيه وإدارية وكل حجه أحنا شعب بيتنهب لسنين كل الدول الكبرى سرؤنا مع الريس وأبنه

الغريب ديما بيقوله ابن المهندس مهندس والدكتور دكتور وكنت بشكك في حوار ابن الحرامي حرامي بس أكدب ليه دلوقتي حسني مبارك كان حرامي وعلم أبنه إذاي يسرقنا

ل أده مش كده بس قال إيه طلعوا بره يشتغل في بنك اوف زا أميركا عشان يتعلم إذاي يسرقنا عن طريق تخطيط مسبق

يا سلام إيه ده جمال مبارك باشا سافر برا وجالنا متعلم ومتثقف عشان يسرقنا تتا تتا ...(كلمه أبيحه )

غريب قووي الفكره لدرجة اني مش عارف اكتب عنه ققول إيه مصر تتعرض من زمن لسرقه منظمه وبيع أراضي منظم وشغل سمسره وسخ على أراضينا مصر مش محتجه قانون غدر مصر مش محتجه قانون اصلا مع الناس ده

دول محتاجين مقاصل في أماكن عامة وبعدين مش بس وزارة أحمد نظيف إلي تتجاب لأ كلوا من بعد أنور السادات كلوا يجي  ويروح أبو زعبل مش طره طره مين والناس نيمين .

بجد حقارة متناهية لما الواحد يستأمن على شئ ويسرقه حتى النخاع يسرقه لحد مايفضيه يخليها على الصفر ده مش شئ طبيعي ده شئ خارق للواقع ده اسمه مرض

دول ناس كانت مريضه إنها تسرق مصر وتهادي بيها حولوا مصر لتكيه أو دوار عمده وجمال مبارك أبن العمده

كل من شاهد حلقات يسري فوده اخر كلام هيصيبه حالة حنق وغضب تشيل من وشك البسمة تخليق غير أدمي تبأ عايز تطلع على طره تجيب رقبته عو وأبوه ...أرحمنا يارب وأعفوا عنا..  

الفلول من ورائينا والبحر من أمامنا...

كنت في جلسة مع صديقة لي وبالصدفة البحتة جائت سيرة الله يمسي هم بأي حاجه (الفلول) فقالت لي صديقتي أن هناك صديقه ليها أبوها توفاه الله وكان خير الله أم اجعله خير قبل ما يموت فلول وفلول فلول يعني من العيار التقيل وبدون ذكر أسماء مات قريب وكان في المركزي العالمي ألي فيه صحبنا الي كان ريس من فترة وبعدين قالت لي أنا مش ريحا العزاء ده

قلت :ليه يا بنتي ده عزاء حرام

قلت لي :ده فلولو

قلت :يا بنتي هوا مات وده واجب ملكيش في موضوع بقا فلول ولا مش فلول

قالت لي : لأ  ده فلول يعني فلول

ومش رايحه

لما روحت أعدت أفكر كتير هوا لو ليا واحد صحبي فلول مثلا وما أروحش أعزي عشان فلول

وبعدين فلول ده يعني إيه مثلا زي كافر ولا زي داعر ولا زنديق

إيه الهبل ده لأ طبعا هروح طب لو عرف الناس اني روحت هبأ أنا كمان فلول لا قدر الله طب أعمل إيه يا رب ..أعمل إيه أعمل إيه ..

أرحمونا فتي ومزايدات بقا عزاء وواحد مات أكيد هروح فلول ولا مش فلول ربنا هيحسبه وهو مات وأنا عليا واجب ربنا يستر علينا..

لا مؤاخذه يا حكومة...

لا أفهم ولا يفهم كثير من المصريين ما يحدث على الوسط والصعيد الحكومي تماما هل هي حالة هرتلة أم تخبط أم عدم فهم لمعطيات ما بعد الثورة تخبط واضح في معالم الوسط الحكومي.

يخرج وزير الصحة معلنا أنة لا توجد مشكلة تتعلق بالأطباء أذ من يقف على أبواب وزارتكم المصونة (تمرجية )مثلا.

ووزير البترول أعلنها للمرة المئه مشكور يا باشا أن لا مشاكل في البنزين (أمال أنا كل يوم بعمل إيه عند المحطة بالسعات )تسالي مثلا .؟

ووزير الخارجية حدث ولا حرج (يعني لما قلنا مع نبيل العربي يا خارجية )مشي ورجعنا تاني وزارة الخارجية بقوة وزارة البيئة والمسطحات المائية هذه الوزارة (الي شغلتها منحصرة بس على أش الرز )عظيمة يا مصر وزارة كاملة لأش الرز فقط (ويريت نفعه في ده كمان)

كل تصريحات الوزارء تأتي بما لا يفهمها المواطن لقد ِأضيف للمواطن المصري مرض جديد على أمراضه المزمنة والتي جائت بها حكومات سابقة (ربنا ي..... مطرح ما هما)

أصيب بمرض انفصام في الشخصية وحالة من عدم الفهم الطبيعي (مه بالعقل أروح المستشفى ولا البنزينة بالسعات والحكومة بتقولي مفيش مشاكل )زمان كنا بنقول الحكومة عارفة كل حجه مين دلوقتي إلي يعرف إيه إلي بيحصل ..؟!أنا ولا أنت..

إضراب المعلمين 6 % من مدارس مصر بجد أمال إيه الدوشة إالي في التلفزيون ده دعاية للمعلمين مثلا (موسم وكدة).

مع أني غير مقتنع بأحقية المعلمين كلهم لهذه المطالب (أصل أكيد مش بنجيب مدرسيين خاصين من برا شوفوا شغلكوا وبعدين اضربوا برحتكم).

الحكومة لا مؤاخذة مش عارفة ده يودي منين على فين تصريحات كل يوم متضربة بشكل بشع (مه لا تتفقوا لا متتصلوش بالتوك شو مش نقصين شهرة يعني ).

حكومة الثورة حكومة التحرير أخذت الحكومة كل هذه الألقاب ولو أن هذه هي الحكومة التي تمنها أي من نزل إلى التحرير (لا لف وأرجع تاني من الأول هات أحمد نظيف )الراجل ولا كونا بنسمع صووتوا الأمانة تحتم يعني !!

يا حكومة الناس عايزة تغير الحلول بسيطة شعب مصر ممكن يقف معاكوا وحظكوا وفرصتكم ده مش هتتعوض .

بس رضوا على الناس قبل ما تتحول الشكوى لأعتصام وبعده لأضراب قللهم أي كلمة تبل ريئهم الطناش بعد الثورة وحش والكلمة الحلوة صدقة والصدقة بعشر أمثلها والي يعمل خير ما بيضعش وكله على الله ...هتبأ شحاتة ولا إيه يا حكومة استمعوا يرحمكم الله..

نعم لتوفيق عكاشة (رمز البطة) ولكن!!!

على طريقة مقدم البرامج الأشهر في وقتنا الحالي في مصر توفيق عكاشة والذي أسرى الأعلام بما يعرف( بمدرسة المصطبة) في تقديم حلاقات برنامجه ذائع الصيت الذي يشاهده الجميع من البط حتى الجموسة العشر في كل نجع وصوب لأسئلة على طريقته المعهودة نفس الأسئلة التي طرحها على الدكتور (محمد البردعي ) سواء إختلفة أو اتفقت مع دكتور محمد البردعي

س) لو جوبتني يعني وقولت لي شكارة الأسمنت واقف تعملة كام دلوقتي  هؤلك نعم

س) لو قلت لي  كيلوا الرمان حب بكام هؤلك نعم

س)لو قلت لي جوز الحمام بكام في ثالث محفظات هؤلك نعم

سوؤال أخير عشان قبل ما أمشي بس جبة أحمد سبايدر منين ؟؟؟ وهل ممكن تطلع علينا بأي نوع من الحيونات أو الحشرات في وقت لاحق إنشاء الله ..

يا أستاذ توفيق أو دكتور كما يحب أن يناديك الناس كيف ولما ومن أين لك ان تتخيل أن يرشحك الناس لرئاسة الجمهورية بعد ان كنت في يوم من الأيام تجسوا على ركبتيك لجمال مبارك لتلبسه الجذمه في واقعه يعلمها القاسي والداني كيف تريد ان يرشحك الناس وأنت كنت دائم الولاء ولي فقط الولاء ولكن النفاق للنظام السابق

يتهمني البعض بعدم الديمقراطية عندما أتحدث أو أنقد أشخاص مثل توفيق عكاشة الديمقراطية ليست هبائا أو هديه الديمقراطية ذهبت من أجلها أرواح وشهداء للدفاع والحصول عليها لا ليأتي من كان يشكك فيهم ليقول ويطالب بالديمقراطية على طبق (لفت أو بقدونس)

ومن يدافع عن شخص يعاتب المجلس العسكري لأنه قال إيه تنسى أن يضعه في قائمة المرشحين المحتملين لرئاسة الجمهورية مصر ليست تكية ولا قرية لتكون أنت رئيسها ومن قال لك ان أكبر رئيس لأكبر دولة في العالم يعلم كيفية تظغيط البط ولبا وقفة الجموسة بكام في السوق فالذي سيأتي لرئاسة هذه الدولة العظيمة لن يحولها لمراعي لتربية المواشي والبط والأوز ...فمصر بالتأكيد تتطلب من هو أكثر منك في كل شئ..

وبعدين تخيلوا كده معاية توفيق عكاشة رئيس الجمهورية ما هي أهم القرارات التي سيتخذها..

قرار جمهوري 1

تحويل قناة الفراعين إلى القناة الرسمية لجمهورية مصر العربية.

قرار جمهوري 2

تحويل ميدان التحرير إلى عذبة مواشي وبط ووز.

قرار جمهوري 3

عمل مشروع باركنج للجاموس يعمل عن طريق التكنولجيا  ومكن لتظغيط البط على 32.

قرار جمهوري 4

تعين أحمد سبايدر وزيرا للثقافة والإذاعة والتفزيون

قرار جمهوري 5

وزارة لمحاربة الماثونية.

قرار جمهوري 6

أعطاء ال85 مليون مصري الدكتواة الفخرية .

هذا هو توفيق عكاشة وأدي الجمال..وربنا يستر على بلدنا

http://www.youtube.com/watch?v=s6oiQhXiKKI

يا ريت إلي يقرأ المقال ده يشوف الفيديوا ويقولي الراجل ده فعلا ينفع رئيس وأنا مثلا مش واخد بالي

حصر النشر أحنا أسفين يا مشير!!!!

لا أفهم ولا يفهم كثير من المصريين الشرفاء من يخرج علينا ببعض القرارات في هذا الوطن الجميل عندما خرج علينا الرئيس السابق بمنع وسائل الأتصلات لمدة ثلاث أيام ما حدث أنة ذاد من عناد المصريين وأصبح الحافظ لهم للنزول للشارع وخلق عند المصريين حالة من الخوف والرهبة لما يحدث فحدث ما لم يكن في الحسبان نزل المصريين للشارع لمعرفة الأخبار ومعرفة المستور وأستطاع المصريين بكل قوة أن يتحايلوا على هذا القطع بكل الطرق (أعتقد ان المصريين كان ممكن يبعتوا حمام زاجل في ظل الأزمة) ولم يتعلم أحد على ما أرى من ان هذه القرارات الفاشلة بكل ما للمعنى من وصف قررت هيئة القضاء المسؤلة عن محاكمة الرئيس السابق منع حظر النشر لشهادة كل من المشير وقائد الأركان ووزيرا الداخلية الحالي والسابق ومدير المخابرات المصرية السابق ولا أفهم لماذا يصر الكبار على معاملة الصغار (في السن طبعا) بهذه الدونية ويعتقدون أننا سنفلس في الأفكار والطرق التي نخرق بها هذا الحظر الذي ليس له اي معنى غير أستفذاذ  للمواطنين والشباب على الخصوص لهتك عرض هذا الحظر بل وجعله حصريا على مواقع التواصل الاجتماعي

Facebookوtwiter(ربنا يخليهم لينا يا رب )هل الأن ما حدث من خرق لهذا النشر وجعلة للمرة الأولى غير حصري على التلفزيون المصري أفاد بأي شئ من قريب أم من بعيد إلا انه ذاد الفوهة ما بين الشارع والقيادة متمثلتا في المجلس العسكري والقضاء .

لا أفهم ولا يفهم الكثيرين لماذا هذه الهفوات المتلاحقة والتي تتحول إلي عداء وندية في حال أنه في حال عدم الخوض في هذه القرارات عقيمة .

أحنا آسفين يا مشير أحنا أتغيرنا والله بقنا شباب من العالم الأول طلعنا من العالم الثالث من زمان من أيام الثورة فكره إلي كانت في يناير الشعب والجيش إيد واحده فاكر الأحداث ده يا مشير لما قلتوا الجيش حما الثورة (طب من مين )لما قلتوا نقل للسلطة خلال 6شهور(طب هيا فين)وكل ده عدناه ماشي ..!!بس ده شهادة ده ..ترضي ربنا ..أستقيموا يرحمكم الله