السبت، 17 ديسمبر، 2011

ضرب نار ..

يا وطن مستنينك
أمتى هنشوف النهار
كل شئ فيك عجبني
بس مش عارف أحبك
حبي ليك فيه ضرب نار
فيه شهدا وميتين
مش عارف مين صديق
ومين عدوا
شايف زحمه وتهليل
شايف فيكي حجات تغيظ
كل واحد عجبوا نفسة
مش بيسمع حد تاني
الطريق ليك في ألف شوكة
ودمي سايح فيك
أجي ققول بحبك
اعلي صوتي أندهك
يسكت كلامي
في ألف أيد على أيد منعاني
معرفش إذاي شيفنك
معرفش إذاي حبينك
وهما كلوا يوم سحلينك
في الحوار والشوارع
مش مستحملينك
كل عيزك تفصيل على أده
لا تطولي سنه ولا تقصري
كله عايزك تقصري
وتجيبي من الأخر
عايزه ولا مش عايزه
كله ناوي يخنقك لو قلتي أه
حبي ليك في أخد ورد
معدش فيه حب من القلب
لتكوني على كيفي
لا بالدراع تتهد
معدش فيه كلمت وطن ولا حتى عش
الكل بس عايز يئوش فيك اش
وأنا في وسط زحمة وكلوا
بيجري حوليا والأرض عليها دم
واقف متكتف مش عارف أعمل إيه
كلوا عايزيني يكون عندي دم
وأقف عليكي معاه ..
وأنا رجلي معدتش قدرة بجد
قولي أي حجه
اصرخي يمكن حد غيري
يسمعك ينقذك أنا فيكي
موت من قبل ما اعيش..
بس عيشي علشان غيري يعيش..

هناك تعليق واحد: